انا والرجيم وهواك

مش عارفه بجد ابد أ منين بس الاكيد ان فى موضوع مهم لازم اتكلم عنه النهارده

ماخبيش عليكم الموضوع فعلا مهم جدا

مهم وحيوى

حياه او موت

الموضوع بالظبط كده




زى ما انتم شايفين

مشكله خطيرة

المشكلة مش مشكله زيادة وزن

ولا مشكله انعدام الحركة والنشاط

المشكله اكبر بكتير

المشكله فراغ واحباط وملل وحاجات غلسه كده

اوقات بافتكر ان المشكلة ضعف ارادة

ممكن يكون ده موجود فعلا وبالذات انى ممكن اضعف اوى ادام طبق مكرونة مشطشط زى ده

بس كمان حرام اوى قايمة الممنوعات اللى الواحد لازم يلتزم بيها دى

احساسى بالاحباط والملل بيخلينى استسلم واضعف

واحس انى عاجزة عن تحقيق اى هدف ولو بسيط حنى لو كان محاولة لانقاص وزنى

رغم الحجم الكبير للمشكلة الا انى استفدت منها جدا لانها كانت الطريق اللى هدانى للرياضة

ويمكن دى الحاجة الوحيدة الحلوة اللى باقدر اعملها الوقتى

فى الاخر باسال نفسى سؤال مهم جدا

ليه انا باكتب الكلام ده الوقتى

السؤال سهل جدا ومش محتاج لذكاء كبير اوى

الاجابه هى انى عايزة اعاهد نفسى امام نفسى وامامكم كلكم

انى بجد بجد لازم التزم بالتعليمات

بجد بجد لا للمكرونة بعد اليوم

بجد بجد ووعد منى خلال اسبوع لازم افق من وزنى واحد كيلو بس حسب تعليمات الطبيب المعالج

لااااااااااااااااااااااااااااااااااااااااااااااااااااازم

مفهوم