فضفضة انا وجيجى وبس

السلام عليكم ورحمة الله وبركاته

فى البدايه بجد بجد مش عارفه اكتب ايه ،مش قادرة اوصف احساسى ازاى 0

مبسوطه مبسوطه بشكل غريب والاغرب انى مش عارفه ليه مبسوطه

بس كل الحكاية انى لقيت نفسى حاسة انى طايرة وكانى لامسة السما والارض فى وقت واحد

احساس جميل اجمل من انى اوصفه او تعبر عنه الكلمات

رغم انى خارجه من حادث مؤلم الا اننى ابتعد عن التفكير فيه ولو حتى ذكره فى هذا الموضوع

لكن كل اللى اقدر اقوله انه احساس محسيتوش من اكتر من خمس سنين

من خمس سنين تقريبا كنت بحب نفسى وبحب الدنيا وباحب الحب

كان كل حاجة حوليا رقيقه وهادية وجميلة

كنت باشوف البراءة فى كل مكان لا مكنتش

بلاش كنت كمان ،انا النهارده والنهارده وبس

بأسال نفسى ازاى اتولدت جوة قلبى طاقة من نور تقدر تنور الكون كله

ايه سر احساسى بالدفء اللى يدفى قلوب الناس كلها

ايه سر الابتسامه اللى مش قادرة تفارق وجهى من اول شروق شمس اليوم

وايه سر النشاط الغير عادى ده

صحيح فى حاجات كتيرحلوة جدا حصلت فى حياتى وكلها كده وراء بعض

بس مكنتش منتظرة كل ده يحصل
لدرجة انى خايفه تكون حالة مؤقته وتنتهى

صحيح لما مثلى الاعلى وقدوتى واستاذى واخويا الكبير يحقق حلمه وحلمى انا ايضا و

يبعت لى احلى دعوة وصلتنى فى حياتى وهى دعوة حضور مناقشه رسالت الدكتوراه فى الادب الفرنسى للاستاذ الدكتور محمود محمود سليمان ، سبحان الله حقيقى الايام مرت بسرعه0

بس مش معقول يكون هو ده بس السر

كمان صحيح لما اعاتب واحد من اصفى وانبل واعز واغلى واقرب الناس لفلبى

ويجاوبنى احساسى بيه اننا كنا ومازلنا من اوفى الاصدقاء

ولما فجأة تلاقى نفسك فى حضن ام غبت عنها مده طويلة قسيت عليها وقست عليك الايام بعدها

تفتكروا كل ده ممكن يوصلنى لاحساسى ده

اكيد فى حاجات تانيه كتير

بس حقيقى مش مهم السبب المهم انها حقيقه ربنا يديمها نعمة ويحفظها من الزوال

سبحان الله مقلب القلوب ومفرج الكروب

وبس